قلب من جليد

موضوع: قلب من جليد الأربعاء مارس 03, 2010 11:19 am

<TABLE cellSpacing=0 cellPadding=0 width="100%" border=0>

<TR>
<td colSpan=2>قرب العاصمه الرياض وفي احد محطاات البنزين تقف سيارة هايلكس قديمه موديل000مادري كم اظن موديلها انقرض بس بالمتاحف0000

العنود 00 يبه كم بقى ونوصل الرياض ودي اشوفها مرة من كثر ماتتكلم عنها بنت جيرانا سارة00

ابو العنود 00 وشفيك يابنيتي مابقى الاكم كيلو ونوصل 00
العنودتلتفت على ابوها00 يبه 000يبه000يبه وشفيك (تتكلم العنود ووجها مليان خوف على ابوها لانه بس يحرك ايده في ازاريره يحاول يفتحها00

العنود 000 يبه رد علي وشفيك ورااك سكت اساعدك افتح ازاريرك000مافيه صوت

خافت العنود وبدون تردد تفتح السيارة وتطلع تدور اي احد يساعدها0000وباول سيارة توقف
وتضرب قزز الشباك الي قداام0000لو سمحت تكلمه

سعود 000يفتح الشباااك ويطالع فيها خير وشبغيتي (وفي نفسه والله موناقصك بعدانتي هلكان من الشغل حتى بمحطاات البنزين يشحذون مايخافون على انفسهم)

العنود 0000بسرعه تعال معي وتفتح الباب وتمسكه مع يده تجره لبرا السيارة
سعود 0000يفك يدها نعم وهو معقد حواجبه روحي هناك مابقى الاهي ويدخل يده بيطلع فلوس00بس ماامداه

العنود 00000 والي يخليك ابوي بيموت تعال معي بسرعه0000وتجره معها
سعود 000 يمشي معها بكل هدوووء000بعد ماوصل لسيارتهم فتح باب السياره وحاول يطلع الرجال (ابو العنود )ويركبه سيارته بمساعده العنود000وطبعا ركبت العنود ورا وهي حاطه راس ابوها على رجلينها وتقول له ودنا للمستشفى تكفى تكفى0000

التفت سعود عليها((ادري قالوا لك اهبل)) 000اهدي انتي بس علشان اتصرف
وصلوا للمستشفى وبسرعه نقلوه لغرفه الكشف000

كانت العنود ذابحه نفسها من البكي ومتكومه على نفسها جالسه بممر المستشفى
وسعود جالس على كرسي بعيد شوي عن الغرفه

طلع الدكتور 00قامت العنود ومن بين دموعها ا0ب00ي تكلم الدكتو وشفيه دكتور00
حط يده على كتفها 000لاتخافين يابنتي مافيه الاالعافيه000
التفت للرجال الي واقف معها( الدكتور) 000انت ولده
سعود 000 لا- طمنا يادكتور وشلونه الحين

الدكتور 0000تعال معي0000
العنود ماانتبهت لهم كان كل فكرها مع ابوها الي بالغرفه وراحت عنده فتحت الباب ودخلت0000

سعود 000امر وشفيه الشيبه؟؟
الدكتور 000مااخفي عليك0000الشايب فيه جلطه جاته على القلب وو الحين تحت مفعول مخدر00بننتظره يصحى بعدين نحدد العلاج اللازم له 000بس مولازم بنته تعرف لانها اكيد بتاثر عليه وهو محتاج الراحه

سعود 000ولايهمك ماراح اقولها شيء000اقول دكتور متى يروح مفعول المخدر00اقصد متى بيصحى ان شاء الله؟
الدكتور 0000مااعتقد قبل اربع وعشرين ساعه ممكن تروحون تريحون وبكرا تجون تطمنون عليه
سعود 0000 مشكور دكتور وطلع من عنده وهو موعارف كيف يتصرف

** في غرفه ابو العنود

العنود تدخل وهي خايفه ماتدرين وش بيواجها000وتقرب عند ابوها وتوقف جنب راسه
ودموعها تنزل بدون ماتوقف 0000 يبه تكفى لاتمووت000يبه ماعندي غيرك000يبه انا احبك والله
يبه بسوي كل ال تبيه بس لاتموت000
دخلت الممرضه عليها(وهي معصبه) 000يله بسرعه برا تعبان كثير تجرها
طلعت العنود وحيلها مهدود وبدون ماتحس جلست بالارض غصب عنها وكان الارض تسحبها ودموعهاتنزل معها ماوقفت0000وكانها شلال على خدودها

طلع سعود من غرفه الدكتور وراح لجهة البنت بكل حنان 000ابوك لازم يرتاح
العنود تناظره وهي ماتعرف وش ترد عليه 0000بس انا بسكت وبجلس هنا لين يقوم ويكلمني00

سعود شفق لحالتها بنت بعمرها وش يجلسها هنا 000 تكلم معها بجديه لازم ترتاحين شوي وبكرا بالصباح نجي نشوفه000

ناظرته العنود وهي خايفه 000وين اروح فيه
سعود 000تعالي وراي لهالغرفه
دخل سعود وكلم الممرضات الفلبينيات انهم يتركون هالبنت عندهم لين بكرا
دخلت العنود وجلست على الكرسي وهي من بين دموعها 000 ليه ابوي مايكلمني هوزعلان مني؟؟
ناظرها سعود وبكل حنيه 000 لاموزعلان بس هو نايم الحين وبكرا بيصحى 000انا بروح الحين وبكرا بجي

هزت العنود راسها موافقه

ركب سعود سيارته 000مسح على جبينه من التعب والارهاق الي حس فيه من اول اليوم ماارتاح ولادقيقه0000وصل البيت بوقت قصير لانه قريب من المستشفى

يفتح سعود الباب يدخل للصاله 000السلام عليكم0الله يهديك يمه ليه مانمتي تراي ماعدت صغير تخافين علي00
ام سعود 000 تناظر بساعتها وعليكم السلام000 تتكلم بقلب الام الي بيموت خوف على ضناهااوشلون تبي عيني تغمض وانت موفي البيت00خير يمه وشفيك راجع متاخر

سعود (ياشر لامه بيده من كثر ماو هلكان) 000خير تطمني يمه00 قولك كل شي بعد مااصحى00ويلتفت على امه 000لاتنسين صحيني الساعه سبع عند ي موعد مهم

ام سعود 000 ترفع يدينها لفوق (( يارب انك توفقه وتسعده دنيا واخره 000وتزل دمعه حاره على اطيب وجه بالدنيا00ياعل عيني ماتبكيك)))

الساعه ست الصباح000البيت انواع الازعاج((طبعا مدارس)
الام 0000احمد000يابوي ياله يمديك تفطر وتلحق مدرستك000بسرعه قووم لاتذيني
احمد تحت الغطا 0000 خلاص يمه هذاني قمت روحي للشيفه رغد

الام تضحك على ولدها (والله لوتسمعك وشبيفكنا منها) 0000يمه رغد اصحي بسرعه مابقى شيء على المدرسه
رغد بكل دلع 0000تتعلق برقبة امها وتبوسها صباح الخير ماامي
الام 0000صباح النور

الام(لااله الا الله محمد رسول الله تمشي رايحه لغرفتها تاخذ دواها
سعود 0000صبحك الله بالخير ياغلا الكون00 ويطمن على راسها ويبوسه
ام سعود 0000يابعد روحي انت والله تونا على موعد ماجت سبع
احمد ورغد((((ينزلون من الدرج وكل واحد ماده بوزه شبرين

على طاوله الاكل الكل ياكل بهدووء وبدون اي كلمه ((((لوجود سعود على الطاوله))

احمد يحب راس امه ويسلم عليها ويطلع لمدرسته
رغد تحب راس امهاوتروح لمدرستها

سعود يشرب القهوه وسرحان00
الام 000وشفيك يمه؟
سعود 000القصه00000000000000
الام تقوم مفزوعه 00 00 وشفيك انت ماتفكر بعقلك تارك البنيه بمكان مثل هذا ماتخاف ربك

سعود والدهشه مالكته 000وشفيك يمه المستشفى مكان عام يعني وشبيصير لها
الام 000 يمه عيال الحرام واجد وهي توها صغيره وبعد هالاجانب ينخاف منهم000اقول قم يله قم معي نروح نجيبها لبيتي

سعود 000 بامرك بغير واجيك
قامت الام تلبس عبايتها تنتظر ولدها تروح معه للمستشفى يتطمنون على البنت ويجيبونها معهم

ابطاااال قصتي كثاار في هالبارت وكل بارت بيطلع لنا بطل جديد00
العنود.....بنت عمرها 11سنه(مملوحه00ملامحها ناعمه ولصغر سنها صايره قصيره ونحيفه)
سعود000 عمره 23 سنه( وسيم00حنطي اللون00ملامحه حاده شوي طويل وجسمه رياضي000حنون على اخوانه وخاصه رغد الي كبرت على يدينه00وهو صديق امه وحافظ اسرارها)
احمد الاخ الوحيد لسعود عمره 17 سنه بثاني ثانوي ادبي(نحيف000مملوح00خفيف
دم00)
رغد تقريبا بعمر العنود 11 سنه(جميله000دلوعه الكل00بيضاء جسمها متوسط)
ام سعود0000عمرها تقريبا 45 سنه(اطيب قلب في الوجود00 0توفى زوجها ابوسعودبعد ولادتها برغد بخمس شهور000ربت اولادها على الاخلاق وحب الناس والخير00تهتم بعيالها اولا واخير )

</TD></TR></TABLE>

موضوع: رد: قلب من جليد الخميس مارس 25, 2010 9:54 pm

يسسسسلمووووووو وردة

موضوع: رد: قلب من جليد الخميس أبريل 15, 2010 9:51 am